کیا ہے صندلیں رنگوں نے در بند

کیا ہے صندلیں رنگوں نے در بند

مرا ہو کس طرح سے درد سر بند

نہیں ہیں تیرے دام زلف میں دل

لٹکتے ہیں ہزاروں مرغ پر بند

نہیں بت خانہ و کعبہ پہ موقوف

ہوا ہر ایک پتھر میں شرر بند

رقیبوں سے ہوئی ہے بزم خالی

کرو دروازہ بے خوف و خطر بند

تماشا بند آنکھوں میں ہے مجھ کو

ہوئی میری بظاہر چشم تر بند

نہیں دنیا میں آزادی کسی کو

ہے دن میں شمس اور شب کو قمر بند

دکھاؤ مے کشو اب زور مستی

کیا زاہد نے مے خانے کا در بند

در جاناں بھی اک مرجع ہے بہرامؔ

ہجوم عاشقاں ہے رہ گزر بند

(823) ووٹ وصول ہوئے

Your Thoughts and Comments

Kiya Hai Sandalin-rangon Ne Dar Band In Urdu By Famous Poet Bahram Ji. Kiya Hai Sandalin-rangon Ne Dar Band is written by Bahram Ji. Enjoy reading Kiya Hai Sandalin-rangon Ne Dar Band Poem on Inspiration for Students, Youth, Girls and Boys by Bahram Ji. Free Dowlonad Kiya Hai Sandalin-rangon Ne Dar Band by Bahram Ji in PDF.