صبا کے ہاتھ پیلے ہو گئے

صبا کے ہاتھ پیلے ہو گئے

میں ساعت سرشار میں

لاکھوں دعائیں

خوبصورت آرزوئیں

پیش کرتا ہوں

صبا ممنون ہے

لیکن زباں ہے

کچھ نہیں کہتی

صبا اب روز و شب

دیوار و در تن پر سجاتی ہے

اب آنچل چھت کا سر پر اوڑھتی ہے

لمس فرش مرمریں سے

پاؤں کی تزئین کرتی ہے

وہ کہساروں شگفتہ وادیوں جھرنوں

چمکتے نیلگوں آکاش کے

نغمے نہیں گاتی

صبا اب لالہ و گل کی طرف شاید نہیں آتی

صبا شبنم ادا تصویر پا بستہ

در روزن میں آویزاں

حسیں نازک بدن

روشن منور ساحلوں پر اب نہیں بہتی

صبا لب کھولتی ہے مسکراتی ہے

صبا سرگوشیوں میں

اب کسی سے کچھ نہیں کہتی

(1196) ووٹ وصول ہوئے

Your Thoughts and Comments

Saba Ke Hath Pile Ho Gae In Urdu By Famous Poet Balraj Komal. Saba Ke Hath Pile Ho Gae is written by Balraj Komal. Enjoy reading Saba Ke Hath Pile Ho Gae Poem on Inspiration for Students, Youth, Girls and Boys by Balraj Komal. Free Dowlonad Saba Ke Hath Pile Ho Gae by Balraj Komal in PDF.