وقت رستے میں کھڑا ہے کہ نہیں

وقت رستے میں کھڑا ہے کہ نہیں

دل سے اب پوچھ خدا ہے کہ نہیں

صحبت شیشہ گراں ہے انکار

سنگ آئینہ بنا ہے کہ نہیں

ہر کرن وقت سحر کہتی ہے

روزن دل کوئی وا ہے کہ نہیں

رنگ ہر بات میں بھرنے والو

قصہ کچھ آگے بڑھا ہے کہ نہیں

زندگی جرم بنی جاتی ہے

جرم کی کوئی سزا ہے کہ نہیں

دوست ہر عیب چھپا لیتے ہیں

کوئی دشمن بھی ترا ہے کہ نہیں

زخم دل منزل جاں تک آئے

سنگ رہ ساتھ چلا ہے کہ نہیں

کھو گئے راہ کے سناٹے میں

اب کوئی دل کی صدا ہے کہ نہیں

ہم ترسنے لگے بوئے گل کو

کہیں گلشن میں صبا ہے کہ نہیں

حکم حاکم ہے کہ خاموش رہو

بولو اب کوئی گلہ ہے کہ نہیں

چپ تو ہو جاتے ہیں لیکن باقیؔ

اس میں بھی اپنا بھلا ہے کہ نہیں

(713) ووٹ وصول ہوئے

Your Thoughts and Comments

Waqt Raste Mein KhaDa Hai Ki Nahin In Urdu By Famous Poet Baqi Siddiqui. Waqt Raste Mein KhaDa Hai Ki Nahin is written by Baqi Siddiqui. Enjoy reading Waqt Raste Mein KhaDa Hai Ki Nahin Poem on Inspiration for Students, Youth, Girls and Boys by Baqi Siddiqui. Free Dowlonad Waqt Raste Mein KhaDa Hai Ki Nahin by Baqi Siddiqui in PDF.