Kabe Ka Shauq Hai Na Sanam-KHana Chahiye

kabe ka shauq hai na sanam-KHana chahiye

jaanana chahiye dar-e-jaanana chahiye

saghar ki aarzu hai na paimana chahiye

bas ek nigah-e-murshid-e-mai-KHana chahiye

hazir hain mere jaib-o-gareban ki dhajjiyan

ab aur kya tujhe dil-e-diwana chahiye

aashiq na ho to husn ka ghar be-charagh hai

laila ko qais shama ko parwana chahiye

parwarda-e-karam se to zeba nahin hijab

mujh KHana-zad-e-husn se parda na chahiye

shikwa hai kufr ahl-e-mohabbat ke waste

har ek jafa-e-dost pe shukrana chahiye

baada-kashon ko dete hain saghar ye puchh kar

kis ko zakat-e-nargis-e-mastana chahiye

'bedam' namaz-e-ishq yahi hai KHuda-gawah

har dam tasawwur-e-ruKH-e-jaanana chahiye

(1828) Peoples Rate This

Your Thoughts and Comments

Kabe Ka Shauq Hai Na Sanam-KHana Chahiye In English By Famous Poet Bedam Shah Warsi. Kabe Ka Shauq Hai Na Sanam-KHana Chahiye is written by Bedam Shah Warsi. Read famous Poem Kabe Ka Shauq Hai Na Sanam-KHana Chahiye for youth and Student by Bedam Shah Warsi. Free Download Kabe Ka Shauq Hai Na Sanam-KHana Chahiye in PDF.