Kabhi Yahan Liye Hue Kabhi Wahan Liye Hue

kabhi yahan liye hue kabhi wahan liye hue

phiri hai justuju teri kahan kahan liye hue

zamin-e-dil ki KHak hai sad-asman liye hue

tanazzulat-e-ishq mein taraqqiyan liye hue

dil o jigar liye hue mata-e-jaan liye hue

kisi ka nawak-e-nazar talashiyan liye hue

usi gali se aai hai shamim-e-zulf lai hai

nasim-e-subh aai hai tasalliyan liye hue

mere gham-e-nihan mein hai nawed-e-ishrat-afrin

bahaar hi bahaar hai meri KHizan liye hue

hamari aah ke sharar hamin ko phunkne lage

hawa ke jhonke aae sath bijliyan liye hue

teri gali mein mah-ru paDe hue hain chaar-su

tamam zarre KHak ke tajalliyan liye hue

na qurb-e-gul ki tab thi na hijr-e-gul mein chain tha

chaman chaman phire hum apna aashiyan liye hue

nigah-e-ahl-e-raaz mein haqiqat o majaz mein

hamari be-nishaniyan tera nishan liye hue

uThe hain hashr mein fida-e-ku-e-yar is tarah

jabin mein sajde dil mein yaad-e-astan liye hue

na dil milega 'bedam' aur na dil ki hasraten kahin

ki gum hua hai yusuf apna karwan liye hue

(1169) Peoples Rate This

Your Thoughts and Comments

Kabhi Yahan Liye Hue Kabhi Wahan Liye Hue In English By Famous Poet Bedam Shah Warsi. Kabhi Yahan Liye Hue Kabhi Wahan Liye Hue is written by Bedam Shah Warsi. Read famous Poem Kabhi Yahan Liye Hue Kabhi Wahan Liye Hue for youth and Student by Bedam Shah Warsi. Free Download Kabhi Yahan Liye Hue Kabhi Wahan Liye Hue in PDF.