Tur Wale Teri Tanwir Liye BaiThe Hain

tur wale teri tanwir liye baiThe hain

hum tujhi ko but-e-be-pir liye baiThe hain

jigar o dil ki na puchho jigar o dil mere

nigah-e-naz ke do tir liye baiThe hain

in ke gesu dil-e-ushshaq phansane ke liye

ja-ba-ja halqa-e-zanjir liye baiThe hain

ai teri shan ki qatron mein hai dariya jari

zarre KHurshid ki tanwir liye baiThe hain

phir wo kya chiz hai jo dil mein utar jati hai

tegh pas un ke na wo tir liye baiThe hain

mai-e-ishrat se bhare jate hain aghyar ke jam

hum tahi kasa-e-taqdir liye baiThe hain

kishwar o ishq mein muhtaj kahan hain 'bedam'

qais o farhad ki jagir liye baiThe hain

(1050) Peoples Rate This

Your Thoughts and Comments

Tur Wale Teri Tanwir Liye BaiThe Hain In English By Famous Poet Bedam Shah Warsi. Tur Wale Teri Tanwir Liye BaiThe Hain is written by Bedam Shah Warsi. Read famous Poem Tur Wale Teri Tanwir Liye BaiThe Hain for youth and Student by Bedam Shah Warsi. Free Download Tur Wale Teri Tanwir Liye BaiThe Hain in PDF.