تم خفا ہو تو اچھا خفا ہو

تم خفا ہو تو اچھا خفا ہو

اے بتو کیا کسی کے خدا ہو

اپنے مستوں کی خیرات ساقی

ایک ساغر مجھے بھی عطا ہو

کچھ رہا بھی ہے بیمار غم میں

اب دوا ہو تو کس کی دوا ہو

آؤ مل لو شب وعدہ آ کر

صبح تک پھر خدا جانے کیا ہو

تو نے مجھ کو کہیں کا نہ رکھا

اے دل زار تیرا برا ہو

غصے میں بھی رہا پاس دشمن

کہہ رہے ہیں کہ تیرا بھلا ہو

تم کو بیدمؔ ہمیں جانتے ہیں

پارسا ہو بڑے پارسا ہو

(1338) ووٹ وصول ہوئے

Your Thoughts and Comments

Tum KHafa Ho To Achchha KHafa Ho In Urdu By Famous Poet Bedam Shah Warsi. Tum KHafa Ho To Achchha KHafa Ho is written by Bedam Shah Warsi. Enjoy reading Tum KHafa Ho To Achchha KHafa Ho Poem on Inspiration for Students, Youth, Girls and Boys by Bedam Shah Warsi. Free Dowlonad Tum KHafa Ho To Achchha KHafa Ho by Bedam Shah Warsi in PDF.