Nae Zamane Mein Ab Ye Kamal Hone Laga

nae zamane mein ab ye kamal hone laga

ki qatl kar ke bhi qatil nihaal hone laga

meri tabahi ka bais jo hai zamane se

usi ko ab mera kahe KHayal hone laga

hawa-e-ishq ne bhi gul khilae hain kya kya

jo mera haal tha wo tera haal hone laga

shab-e-firaq wo kaisa tha jashn yaadon ka

ki jis ka zikr bhi baad-e-visal hone laga

jo ranj-o-gham mein mere sath sath tha ab tak

use bhi meri KHushi se malal hone laga

jahan pe manzar-e-jalwa tha sirf wahm o guman

wahin pe jalsa-e-zohra-jamal hone laga

tumhaare qadr se agar baDh rahi ho parchhain

samajh lo dhup ka waqt-e-zawal hone laga

na KHud ko becha na koi KHushamaden ki hain

to kaise tum pe ye 'bekal' sawal hone laga

(1012) Peoples Rate This

Your Thoughts and Comments

Nae Zamane Mein Ab Ye Kamal Hone Laga In English By Famous Poet Bekal Utsahi. Nae Zamane Mein Ab Ye Kamal Hone Laga is written by Bekal Utsahi. Read famous Poem Nae Zamane Mein Ab Ye Kamal Hone Laga for youth and Student by Bekal Utsahi. Free Download Nae Zamane Mein Ab Ye Kamal Hone Laga in PDF.