Lutf Se Matlab Na Kuchh Mere Satane Se Gharaz
lutf se matlab na kuchh mere satane se gharaz
shoKHiyon se kaam un ko muskurane se gharaz
us gali se kaam un ka samna ho ya na ho
mujh ko ho aana wahan tak har bahane se gharaz
shikwa-e-aghyar par zalim ne yun Tala mujhe
tum ko hum se kaam hai tum ko zamane se gharaz
koi mausam koi din ho is se kuchh matlab nahin
hazrat-e-'beKHud' ko hai pine pilane se gharaz
Bekhud Dehlvi 
(609) Peoples Rate This