UThe Teri Mahfil Se To Kis Kaam Ke UTThe

uThe teri mahfil se to kis kaam ke uTThe

dil tham ke baiThe the jigar tham ke uTThe

dam bhar mere pahlu mein unhen chain kahan hai

baiThe ki bahane se kisi kaam ke uTThe

us bazm se uTh kar to qadam hi nahin uThta

ghar subh ko pahunche hain kahin sham ke uTThe

hai rashk ki ye bhi kahin shaida na hon us ke

turbat se bahut log mere nam ke uTThe

afsana-e-husn us ka hai har ek zaban par

parde na kabhi jis ke dar-o-baam ke uTThe

aaghaz-e-mohabbat mein maze dil ne uDae

puchhe to koi ranj bhi anjam ke uTThe

dil nazr mein de aae hum ek shoKH ko 'beKHud'

bazar mein jab dam na is jam ke uTThe