Wo Aur Tasalli Mujhe Den Unki Bala De
wo aur tasalli mujhe den un ki bala de
jate hue farma to gae sabr KHuda de
har baat ka allah ne baKHsha hai saliqa
laDna bhi maza de tera milna bhi maza de
is tarah bhi ghash se kahin hota hai ifaqa
ya zulf sungha ya mujhe daman ki hawa de
dam chaDhne laga ghusse ke tewar jo banae
nazuk ho jo itna wo mujhe KHak saza de
kam-baKHt nai sab khol diye raaz-e-mohabbat
ye kis ne kaha tha tujhe 'beKHud' ko pila de
Bekhud Dehlvi 
(1007) Peoples Rate This