دیوار و در میں سمٹا اک لمس کانپتا ہے

دیوار و در میں سمٹا اک لمس کانپتا ہے

بھولے سے کوئی دستک دے کر چلا گیا ہے

صبر و شکیب باقی تاب و تواں سلامت

دل مثل عود جل جل خوشبو بکھیرتا ہے

ہم خاک ہو چکے تھے اپنی ہی حدتوں میں

مٹی ہے راکھ پھر سے پیکر نیا بنا ہے

اک زخم زخم چہرہ ٹکڑوں میں ہاتھ آیا

اور ہم سمجھ رہے تھے آئینہ جڑ گیا ہے

صحرائے نیم شب میں بے آس ریتوں پر

دن بھر کے کشت و خوں کا مارا تڑپ رہا ہے

دہشت زدہ زمیں پر وحشت بھرے مکاں یہ

اس شہر بے اماں کا آخر کوئی خدا ہے

مل جائے آبلوں کو داد مسافرت اب

اب درد بے نوائی کچھ حد سے بھی سوا ہے

ہم پر تو کھل چکا بھی در بند ہر بلا کا

کیا جانئے اجل کو اب انتظار کیا ہے

گل چینیوں کا ہم سے بلقیسؔ حال پوچھو

انگشت آرزو میں کانٹا اتر گیا ہے

(854) ووٹ وصول ہوئے

Your Thoughts and Comments

Diwar-o-dar Mein SimTa Ek Lams Kanpta Hai In Urdu By Famous Poet Bilqis Zafirul Hasan. Diwar-o-dar Mein SimTa Ek Lams Kanpta Hai is written by Bilqis Zafirul Hasan. Enjoy reading Diwar-o-dar Mein SimTa Ek Lams Kanpta Hai Poem on Inspiration for Students, Youth, Girls and Boys by Bilqis Zafirul Hasan. Free Dowlonad Diwar-o-dar Mein SimTa Ek Lams Kanpta Hai by Bilqis Zafirul Hasan in PDF.