چاند کو ریشمی بادل سے الجھتا دیکھوں

چاند کو ریشمی بادل سے الجھتا دیکھوں

وہ ہوا ہے کبھی آنچل کبھی چہرہ دیکھوں

دیکھنے نکلا ہوں دنیا کو مگر کیا دیکھوں

جس طرف آنکھ اٹھاؤں وہی چہرہ دیکھوں

دائرہ کھینچ کے بیٹھا ہوں بڑی مدت سے

خود سے نکلوں تو کسی اور کا رستہ دیکھوں

یہ وہ دروازہ ہے کھولوں تو کوئی آ نہ سکے

اور اگر بند کروں دل ہی میں دنیا دیکھوں

وہ عجب چیز ہے اس کا کوئی چہرہ ہی نہیں

ایک پردہ جو اٹھے دوسرا پردہ دیکھوں

وہ چکا چوند ہے نکلے گا نہ گھر سے کوئی

دھوپ اگر چھٹکے وہ ہنستا ہوا چہرہ دیکھوں

میرا سایہ ہو کہ میں کوئی تو دھوکا ہے ضرور

گھر میں آئینہ کہ گھر سے پرے دریا دیکھوں

کوئی پھل پھول نہیں مغربی چٹانوں پر

چاند جس گاؤں سے اگتا ہے وہ دنیا دیکھوں

(1044) ووٹ وصول ہوئے

Your Thoughts and Comments

Chand Ko Reshmi Baadal Se Ulajhta Dekhun In Urdu By Famous Poet Bimal Krishn Ashk. Chand Ko Reshmi Baadal Se Ulajhta Dekhun is written by Bimal Krishn Ashk. Enjoy reading Chand Ko Reshmi Baadal Se Ulajhta Dekhun Poem on Inspiration for Students, Youth, Girls and Boys by Bimal Krishn Ashk. Free Dowlonad Chand Ko Reshmi Baadal Se Ulajhta Dekhun by Bimal Krishn Ashk in PDF.