اللہ اللہ وصل کی شب اس قدر اعجاز ہے

اللہ اللہ وصل کی شب اس قدر اعجاز ہے

ایک ذرا سی چیز ہے اس پر بھی اتنا ناز ہے

خیر ہو یا رب کے حسن و عشق کا آغاز ہے

اس طرف دل ہے ادھر سسری نگاہ ناز ہے

جب بہار آئی موے پنجرے چمن کو اڑ گیا

اس مصیبت پر بھی اتنی قوت پرواز ہے

چھٹ گئیں نبضیں ہوئے لب بند پتلی پھر گئیں

اور وہ مردود کہتا ہے کہ یہ دم باز ہے

غیر نے مجھ کو ستا کر جیل کی کھائی ہوا

یہ نہ سمجھا تھا کہ اس کا لٹھ بے آواز ہے

جب کہا اس نے کہ اٹھ بے جھٹ میں زندہ ہو گیا

بات کی تو بات ہے اعجاز کا اعجاز ہے

توڑ کر بدنام تم دل کو مرے ہو جاؤ گے

اس میں پوشیدہ محبت کا تمہاری راز ہے

غیر کو لائے ہیں میرے گھر وہ مع بسترے

بھید اس میں بھی کوئی اس میں بھی کوئی راز ہے

عشق میں پیدا نہیں ہوتا ہے سسرا انقلاب

حسن دے جاتا ہے دھوکہ حسن دھوکہ باز ہے

اب کوئی دن بھی بڑھاپا ٹھوکریں کھلوائے گا

حسن ہے چند روزہ جس پہ تم کو ناز ہے

نوچ کر میرے پروں کو کر دیا ہے ڈنڈ منڈ

اب نہ قوے ہے نہ مجھ میں طاقت پرواز ہے

وصل کی شب چار دم چھلے بھی ان کے ساتھ ہیں

یعنی شوخی ہے شرارت ہے حیا ہے ناز ہے

غیر کی کچھ حیثیت بھی آپ کو معلوم ہے

خود ہے چوکیدار بادہ اس کا برفنداز ہے

میری فریاد و فغاں سن کر حرامی نے کہا

یہ اسی الو کے پٹھے بومؔ کی آواز ہے

(972) ووٹ وصول ہوئے

Your Thoughts and Comments

Allah Allah Wasl Ki Shab Is Qadar Eajaz Hai In Urdu By Famous Poet Boom Merathi. Allah Allah Wasl Ki Shab Is Qadar Eajaz Hai is written by Boom Merathi. Enjoy reading Allah Allah Wasl Ki Shab Is Qadar Eajaz Hai Poem on Inspiration for Students, Youth, Girls and Boys by Boom Merathi. Free Dowlonad Allah Allah Wasl Ki Shab Is Qadar Eajaz Hai by Boom Merathi in PDF.