پانی کے شیشوں میں رکھی جاتی ہے

پانی کے شیشوں میں رکھی جاتی ہے

سندرتا جھیلوں میں رکھی جاتی ہے

چھونے کو بڑھ جاتی ہے وہ موم بدن

آگ کہاں پوروں میں رکھی جاتی ہے

چاند ترے ماتھے سے اگتا ہے چندا

رات مری آنکھوں میں رکھی جاتی ہے

ہاتھوں میں ریکھائیں پیلے موسم کی

سبز پری خوابوں میں رکھی جاتی ہے

چھو لیتی ہے جو تیرے نازک پاؤں

وہ مٹی گملوں میں رکھی جاتی ہے

رنگ جدا کرنے کے لیے چشم و لب کے

قوس قزح اندھوں میں رکھی جاتی ہے

ایسے بھی آرائش ہوتی ہے گھر کی

تنہائی کمروں میں رکھی جاتی ہے

(1101) ووٹ وصول ہوئے

Your Thoughts and Comments

Pani Ke Shishon Mein Rakkhi Jati Hai In Urdu By Famous Poet Daniyal Tareer. Pani Ke Shishon Mein Rakkhi Jati Hai is written by Daniyal Tareer. Enjoy reading Pani Ke Shishon Mein Rakkhi Jati Hai Poem on Inspiration for Students, Youth, Girls and Boys by Daniyal Tareer. Free Dowlonad Pani Ke Shishon Mein Rakkhi Jati Hai by Daniyal Tareer in PDF.