تلاش نور

فکر و آلام کے بادل میں ہیں انوار حیات

روشنی کیا کسی تنویر کا پرتو بھی نہیں

نوع انساں کی فضاؤں پہ ہے ظلمت کا جماؤ

شمع مہتاب کا کیا ذکر کوئی لو بھی نہیں

ذہن تاریک ہیں اجسام کی دنیا ہے سیاہ

ہے عناصر کی فضاؤں میں تلاطم برپا

امن کی موج کا ملتا نہیں ہلکا سا نشاں

زندگی میں ہے مقاصد کا تصادم برپا

برتری پیکر و اجسام کی ہے جو کچھ ہے

روح کو قابل تضحیک کہا جاتا ہے

کیا زمانہ ہے کہ ظلمت کو سمجھتے ہیں نور

نور کو جادۂ تاریک کہا جاتا ہے

آؤ اے اہل خرد اہل جنوں اہل زمیں

بزم ہستی میں محبت سے چراغاں کر دیں

روح‌ عرفاں کا عناصر کو سنا کر پیغام

آج انسان کو پھر محرم انساں کر دیں

(2326) ووٹ وصول ہوئے

Your Thoughts and Comments

Talash-e-nur In Urdu By Famous Poet Darshan Singh. Talash-e-nur is written by Darshan Singh. Enjoy reading Talash-e-nur Poem on Inspiration for Students, Youth, Girls and Boys by Darshan Singh. Free Dowlonad Talash-e-nur by Darshan Singh in PDF.