زندگی کا کس لیے ماتم رہے

زندگی کا کس لیے ماتم رہے

ملک بستا ہے مٹے یا ہم رہے

دل رہے پیری میں بھی تیرا جواں

آخری دم تک یہی دم خم رہے

چاہیئے انسان کا دل ہو غنی

پاس مال و زر بہت یا کم رہے

کیا اسی جنت کی یہ تحریص ہے

جس میں کچھ دن حضرت آدم رہے

وصل سے مطلب نہ رکھ تو عشق کا

دم بھرے جا دم میں جب تک دم رہے

لاگ اک دن بن کے رہتی ہے لگاؤ

ہاں لگاوٹ کچھ نہ کچھ باہم رہے

عشق نے جس دل پہ قبضہ کر لیا

پھر کہاں اس میں نشاط و غم رہے

شرق سے جب نور چمکا تو کہاں

برگ گل پر قطرۂ شبنم رہے

حسن کی دنیا کا ہے دائم شباب

حشر تک اس کا یہی عالم رہے

ہے سرور حسن کیفیؔ لا یزال

در خور ظرف اس میں بیش و کم رہے

(1096) ووٹ وصول ہوئے

Your Thoughts and Comments

Zindagi Ka Kis Liye Matam Rahe In Urdu By Famous Poet Dattatriya Kaifi. Zindagi Ka Kis Liye Matam Rahe is written by Dattatriya Kaifi. Enjoy reading Zindagi Ka Kis Liye Matam Rahe Poem on Inspiration for Students, Youth, Girls and Boys by Dattatriya Kaifi. Free Dowlonad Zindagi Ka Kis Liye Matam Rahe by Dattatriya Kaifi in PDF.