Majaz Ki Maut Par

ai be-niyaz-e-shuq-e-farawan kahan hai tu

ai nighat-e-shamim-e-bahaaran kahan hai tu

ai bais-e-farogh-e-gulistan kahan hai tu

ai raunaq-e-wajud-e-KHayaban kahan hai tu

pathra gai hain aankhen tere intizar mein

kuchh to bata ki ai mah-e-taban kahan hai tu

wo tere shauq-e-naghma-sarai ko kya hua

ai yar naghma-rez-o-ghazal-KHwan kahan hai tu

tere baghair kuchh nahin lutf-e-sharab-o-sher

ai nighat-e-latif-e-KHayaban kahan hai tu

han tere dam se raunaq-e-bazm-e-wajud thi

ai raushni-e-sham-e-farozan kahan hai tu

tere baghair KHak-basar phir raha hun main

mere baghair sar-ba-gareban kahan hai tu

(1040) Peoples Rate This

Your Thoughts and Comments

Majaz Ki Maut Par In English By Famous Poet Davarka Das Shola. Majaz Ki Maut Par is written by Davarka Das Shola. Read famous Poem Majaz Ki Maut Par for youth and Student by Davarka Das Shola. Free Download Majaz Ki Maut Par in PDF.