بنا دیں گی دنیا کو اک دن شرابی

بنا دیں گی دنیا کو اک دن شرابی

یہ بد مست آنکھیں یہ ڈورے گلابی

ہیں قصر محبت کے معمار دونوں

نگاہوں کا دھوکا دلوں کی خرابی

یہ کفر مجسم یہ زہد سراپا

یہ گنجان گیسو یہ روئے کتابی

ہر اک شے میں تم مسکراتے ہو گویا

ہزاروں حجابوں میں یہ بے حجابی

ابھی تک نگاہوں پہ چھائی ہوئی ہے

وہ مستی میں ڈوبی ہوئی نیم خوابی

عبث عشق کو انتظار اثر ہے

اثر تک کہاں آہ کی باریابی

بجز اس کے احسانؔ کو کیا سمجھئے

بہاروں میں کھویا ہوا اک شرابی

(875) ووٹ وصول ہوئے

Your Thoughts and Comments

Bana Dengi Duniya Ko Ek Din Sharabi In Urdu By Famous Poet Ehsan Danish. Bana Dengi Duniya Ko Ek Din Sharabi is written by Ehsan Danish. Enjoy reading Bana Dengi Duniya Ko Ek Din Sharabi Poem on Inspiration for Students, Youth, Girls and Boys by Ehsan Danish. Free Dowlonad Bana Dengi Duniya Ko Ek Din Sharabi by Ehsan Danish in PDF.