اے غم دل یہ ماجرا کیا ہے

اے غم دل یہ ماجرا کیا ہے

درد الفت سے واسطہ کیا ہے

رہنے دو ان حسین وعدوں کو

جھوٹے وعدے ہیں سب نیا کیا ہے

جام و مینا کو چھوڑ کر دیکھو

چشم ساقی کا یہ نشہ کیا ہے

شعلۂ غم کو اور بھڑکائے

کون سمجھے کہ یہ ہوا کیا ہے

چھن گیا ہے سکون بھی میرا

عاشقی نے مجھے دیا کیا ہے

چارہ گر کوئی بھی نہ جان سکا

موت اور عشق کی دوا کیا ہے

کیا بھروسہ ہے زندگانی کا

جانے تقدیر میں لکھا کیا ہے

چشم پر نم مگر لبوں پہ ہنسی

دل میں موناؔ ترے چھپا کیا ہے

(938) ووٹ وصول ہوئے

Your Thoughts and Comments

Ai Gham-e-dil Ye Majra Kya Hai In Urdu By Famous Poet Elizabeth Kurian Mona. Ai Gham-e-dil Ye Majra Kya Hai is written by Elizabeth Kurian Mona. Enjoy reading Ai Gham-e-dil Ye Majra Kya Hai Poem on Inspiration for Students, Youth, Girls and Boys by Elizabeth Kurian Mona. Free Dowlonad Ai Gham-e-dil Ye Majra Kya Hai by Elizabeth Kurian Mona in PDF.