Ai Naqsh-garo Lauh-e-tahrir Hamein De Do

ai naqsh-garo lauh-e-tahrir hamein de do

hum apne musawwir hain taswir hamein de do

aaghosh-e-kaman ab tak afkar ka KHali hai

tum apni nigahon ke kuchh tir hamein de do

kya tol rahe ho tum hathon mein KHirad-mando

zewar ye junun ka hai zanjir hamein de do

ai KHali kaToron ke be-kaif nigahbanon

mai-KHana hamari hai jagir hamein de do

tum to na jhuka pae gardan dil-e-sarkash ki

ai ahl-e-sitam lao shamshir hamein de do

aashufta lakiren hain tahrir ki nau-mashqi

likh lenge hamin lauh-e-taqdir hamein de do

(1045) Peoples Rate This

Your Thoughts and Comments

Ai Naqsh-garo Lauh-e-tahrir Hamein De Do In English By Famous Poet Ezaz Afzal. Ai Naqsh-garo Lauh-e-tahrir Hamein De Do is written by Ezaz Afzal. Read famous Poem Ai Naqsh-garo Lauh-e-tahrir Hamein De Do for youth and Student by Ezaz Afzal. Free Download Ai Naqsh-garo Lauh-e-tahrir Hamein De Do in PDF.