Humne MaiKHane Ki Taqdis Bacha Li Hoti

hum ne maiKHane ki taqdis bacha li hoti

koi botal to yahan KHun se KHali hoti

is ki buniyaad agar zohd ne Dali hoti

din ki tarah ye duniya bhi KHayali hoti

anjuman dagh-e-jigar ki mutahammil na hui

kash hum ne bhi koi shama jala li hoti

sach to ye hai kaha gar jurm na sabit hota

hum ne KHud mang ke jine ki saza li hoti

aaj is moD pe hum hain ki agar bas chalta

lauT jaane ki koi rah nikali hoti

tum ne qanun mein tarmim ki zahmat kyun ki

hum ne KHud qaid ki miad baDha li hoti

wusat-e-shauq ne rakkha na kahin ka hum ko

warna har dil mein jagah apni bana li hoti

(969) Peoples Rate This

Your Thoughts and Comments

Humne MaiKHane Ki Taqdis Bacha Li Hoti In English By Famous Poet Ezaz Afzal. Humne MaiKHane Ki Taqdis Bacha Li Hoti is written by Ezaz Afzal. Read famous Poem Humne MaiKHane Ki Taqdis Bacha Li Hoti for youth and Student by Ezaz Afzal. Free Download Humne MaiKHane Ki Taqdis Bacha Li Hoti in PDF.