حسن مرہون جوش بادۂ ناز

حسن مرہون جوش بادۂ ناز

عشق منت کش فسون نیاز

دل کا ہر تار لرزش پیہم

جاں کا ہر رشتہ وقف سوز و گداز

سوزش درد دل کسے معلوم

کون جانے کسی کے عشق کا راز

میری خاموشیوں میں لرزاں ہے

میرے نالوں کی گم شدہ آواز

ہو چکا عشق اب ہوس ہی سہی

کیا کریں فرض ہے ادائے نماز

تو ہے اور اک تغافل پیہم

میں ہوں اور انتظار بے انداز

خوف ناکامئ امید ہے فیضؔ

ورنہ دل توڑ دے طلسم مجاز

(1608) ووٹ وصول ہوئے

Your Thoughts and Comments

Husn Marhun-e-josh-e-baada-e-naz In Urdu By Famous Poet Faiz Ahmad Faiz. Husn Marhun-e-josh-e-baada-e-naz is written by Faiz Ahmad Faiz. Enjoy reading Husn Marhun-e-josh-e-baada-e-naz Poem on Inspiration for Students, Youth, Girls and Boys by Faiz Ahmad Faiz. Free Dowlonad Husn Marhun-e-josh-e-baada-e-naz by Faiz Ahmad Faiz in PDF.