میرے ملنے والے

وہ در کھلا میرے غم کدے کا

وہ آ گئے میرے ملنے والے

وہ آ گئی شام اپنی راہوں میں

فرش افسردگی بچھانے

وہ آ گئی رات چاند تاروں کو

اپنی آزردگی سنانے

وہ صبح آئی دمکتے نشتر سے

یاد کے زخم کو منانے

وہ دوپہر آئی، آستیں میں

چھپائے شعلوں کے تازیانے

یہ آئے سب میرے ملنے والے

کہ جن سے دن رات واسطا ہے

پہ کون کب آیا، کب گیا ہے

نگاہ و دل کو خبر کہاں ہے

خیال سوئے وطن رواں ہے

سمندروں کی ایال تھامے

ہزار وہم و گماں سنبھالے

کئی طرح کے سوال تھامے

(2223) ووٹ وصول ہوئے

Your Thoughts and Comments

Mere Milne Wale In Urdu By Famous Poet Faiz Ahmad Faiz. Mere Milne Wale is written by Faiz Ahmad Faiz. Enjoy reading Mere Milne Wale Poem on Inspiration for Students, Youth, Girls and Boys by Faiz Ahmad Faiz. Free Dowlonad Mere Milne Wale by Faiz Ahmad Faiz in PDF.