یہاں سے شہر کو دیکھو

یہاں سے شہر کو دیکھو تو حلقہ در حلقہ

کھنچی ہے جیل کی صورت ہر ایک سمت فصیل

ہر ایک راہ گزر گردش اسیراں ہے

نہ سنگ میل نہ منزل نہ مخلصی کہ سبیل

جو کوئی تیز چلے رہ تو پوچھتا ہے خیال

کہ ٹوکنے کوئی للکار کیوں نہیں آئی

جو کوئی ہاتھ ہلائے تو وہم کو ہے سوال

کوئی چھنک کوئی جھنکار کیوں نہیں آئی

یہاں سے شہر کو دیکھو تو ساری خلقت میں

نہ کوئی صاحب تمکیں نہ کوئی والئ ہوش

ہر ایک مرد جواں مجرم رسن بہ گلو

ہر اک حسینۂ رعنا، کنیز حلقہ بگوش

جو سائے دور چراغوں کے گرد لرزاں ہیں

نہ جانے محفل غم ہے کہ بزم جام و سبو

جو رنگ ہر در و دیوار پر پریشاں ہیں

یہاں سے کچھ نہیں کھلتا یہ پھول ہیں کہ لہو

(335) ووٹ وصول ہوئے

Your Thoughts and Comments

Yahan Se Shahr Ko Dekho In Urdu By Famous Poet Faiz Ahmad Faiz. Yahan Se Shahr Ko Dekho is written by Faiz Ahmad Faiz. Enjoy reading Yahan Se Shahr Ko Dekho Poem on Inspiration for Students, Youth, Girls and Boys by Faiz Ahmad Faiz. Free Dowlonad Yahan Se Shahr Ko Dekho by Faiz Ahmad Faiz in PDF.