Jab Tak Mere HonTon Pe Tera Nam Rahega

jab tak mere honTon pe tera nam rahega

dil be-KHabar-e-gardish-e-ayyam rahega

miT jaega har naqsh-e-KHayal-e-gham-e-hasti

lekin waraq-e-dil pe tera nam rahega

kyun Dar hai gunahon ke sabab hashr ke din se

hum jaante hain un ka karam aam rahega

paigham to aaenge bahut dair-o-haram se

lekin teri chaukhaT se mujhe kaam rahega

mai-KHana salamat hai agar teri nazar ka

labrez ma-e-ishq se har jam rahega

daman hai agar tera mere dast-e-talab mein

aaghaz se behtar mera anjam rahega

jaegi na dil se tere aariz ki mohabbat

zulfon ka tasawwur mujhe har sham rahega

aankhen hi nahin teri 'fana' did ke qabil

tu jalwa-gah-e-yar mein nakaam rahega

(594) Peoples Rate This

Your Thoughts and Comments

Jab Tak Mere HonTon Pe Tera Nam Rahega In English By Famous Poet Fana Bulandshahri. Jab Tak Mere HonTon Pe Tera Nam Rahega is written by Fana Bulandshahri. Read famous Poem Jab Tak Mere HonTon Pe Tera Nam Rahega for youth and Student by Fana Bulandshahri. Free Download Jab Tak Mere HonTon Pe Tera Nam Rahega in PDF.