یہ کس قیامت کی بیکسی ہے زمیں ہی اپنا نہ یار میرا
یہ کس قیامت کی بیکسی ہے زمیں ہی اپنا نہ یار میرا
نہ خاطر بے قرار میری نہ دیدۂ اشک بار میرا
نشان تربت عیاں نہیں ہے نہیں کہ باقی نشاں نہیں ہے
مزار میرا کہاں نہیں ہے کہیں نہیں ہے مزار میرا
وصال تیرا خیال تیرا جو ہو تو کیونکر نہ ہو تو کیونکر
نہ تجھ پہ کچھ اختیار دل کا، نہ دل پہ کچھ اختیار میرا
نگاہ دل دوز کی دہائی جمال جاں سوز کی دہائی
رہ محبت میں غم نے لوٹا شکیب و صبر و قرار میرا
میں درد فرقت سے جاں بلب ہوں تمہیں یقین وفا نہیں ہے
مجھے نہیں اعتبار اپنا تمہیں نہیں اعتبار میرا
قدم نکال اب تو گھر سے باہر جو دم بھی سینے سے سہل نکلے
دکھا نہ اب انتظار اپنا لحد کو ہے انتظار میرا
سنا ہے اٹھا ہے اک بگولہ جلو میں کچھ آندھیوں کو لے کر
طواف دشت جنوں کو شاید گیا ہے فانیؔ غبار میرا
(1129) ووٹ وصول ہوئے
Ye Kis Qayamat Ki Bekasi Hai Zamin Hi Apna Na Yar Mera In Urdu By Famous Poet Fani Badayuni. Ye Kis Qayamat Ki Bekasi Hai Zamin Hi Apna Na Yar Mera is written by Fani Badayuni. Enjoy reading Ye Kis Qayamat Ki Bekasi Hai Zamin Hi Apna Na Yar Mera Poem on Inspiration for Students, Youth, Girls and Boys by Fani Badayuni. Free Dowlonad Ye Kis Qayamat Ki Bekasi Hai Zamin Hi Apna Na Yar Mera by Fani Badayuni in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends