ہمیں تو ساتھ چلنے کا ہنر اب تک نہیں آیا
ہمیں تو ساتھ چلنے کا ہنر اب تک نہیں آیا
دیا اپنے مقدر کا نظر اب تک نہیں آیا
تھیں جس بادل کے رستے پر ہوا کی منتظر آنکھیں
وہ شہروں تک تو آیا تھا ادھر اب تک نہیں آیا
نہ جانے جنگلوں میں ہم ملے کتنے درختوں سے
گھنا جس کا لگے سایہ شجر اب تک نہیں آیا
تذبذب کے اندھیروں میں بھٹکتا ہے وہ اک وعدہ
پلٹ کر جس کو آنا تھا وہ گھر اب تک نہیں آیا
سجانا چھوڑ دے پھولوں کو ان چاندی سے بالوں میں
فلک پر وہ ستارا اک اگر اب تک نہیں آیا
بھلا کر بس ذرا سی دیر سجدوں کی عبادت کو
یہ سوچو کیوں دعاؤں میں اثر اب تک نہیں آیا
جہاں لاکھوں محبت کے چراغوں سے اجالا ہو
فرحؔ روشن کسی دل کا وہ در اب تک نہیں آیا
فرح اقبال 
(1745) ووٹ وصول ہوئے
Hamein To Sath Chalne Ka Hunar Ab Tak Nahin Aaya In Urdu By Famous Poet Farah Iqbal. Hamein To Sath Chalne Ka Hunar Ab Tak Nahin Aaya is written by Farah Iqbal. Enjoy reading Hamein To Sath Chalne Ka Hunar Ab Tak Nahin Aaya Poem on Inspiration for Students, Youth, Girls and Boys by Farah Iqbal. Free Dowlonad Hamein To Sath Chalne Ka Hunar Ab Tak Nahin Aaya by Farah Iqbal in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends