جب بھی شمع طرب جلائی ہے

جب بھی شمع طرب جلائی ہے

آنچ محرومیوں کی آئی ہے

راستے اتنے بے کراں تو نہ تھے

جستجو کتنی دور لائی ہے

زحمت جستجو سے کیا ہوگا

بوئے گل کس کے ہاتھ آئی ہے

کتنی رنگینیوں میں تیری یاد

کس قدر سادگی سے آئی ہے

کہہ کے جان غزل تجھے ہم نے

اپنی کم‌ مائیگی چھپائی ہے

جب بھی جاویدؔ چھیڑ دی ہے غزل

بات وارفتگی تک آئی ہے

(699) ووٹ وصول ہوئے

Your Thoughts and Comments

Jab Bhi Sham-e-tarab Jalai Hai In Urdu By Famous Poet Fareed Javed. Jab Bhi Sham-e-tarab Jalai Hai is written by Fareed Javed. Enjoy reading Jab Bhi Sham-e-tarab Jalai Hai Poem on Inspiration for Students, Youth, Girls and Boys by Fareed Javed. Free Dowlonad Jab Bhi Sham-e-tarab Jalai Hai by Fareed Javed in PDF.