مضطرب دل کی کہانی اور ہے

مضطرب دل کی کہانی اور ہے

کوئی لیکن اس کا ثانی اور ہے

اس کی آنکھیں دیکھ کر ہم پر کھلا

یہ شعور حکمرانی اور ہے

یہ جو قاتل ہیں انہیں کچھ مت کہو

اس ستم کا کوئی بانی اور ہے

عمر بھر تم شاعری کرتے رہو

زخم دل کی ترجمانی اور ہے

حوصلہ ٹوٹے نہ راہ شوق میں

غم کی ایسی میزبانی اور ہے

مدعا اظہار سے کھلتا نہیں ہے

یہ زبان بے زبانی اور ہے

آئینے کے سامنے بیٹھا ہے کون

آج منظر پر جوانی اور ہے

(1141) ووٹ وصول ہوئے

Your Thoughts and Comments

Muztarib Dil Ki Kahani Aur Hai In Urdu By Famous Poet Fasih Akmal. Muztarib Dil Ki Kahani Aur Hai is written by Fasih Akmal. Enjoy reading Muztarib Dil Ki Kahani Aur Hai Poem on Inspiration for Students, Youth, Girls and Boys by Fasih Akmal. Free Dowlonad Muztarib Dil Ki Kahani Aur Hai by Fasih Akmal in PDF.