Ab Shahr Mein Kahan Rahe Wo Ba-waqar Log

ab shahr mein kahan rahe wo ba-waqar log

mil kar KHud apne-ap se hain sharmsar log

hathon mein waqt ke to koi sang bhi na tha

kyun TuT kar bikhar gae aaina-war log

apne dukhon pe tanz koi khel to na tha

zaKHmon ko phul kah gae hum waza-dar log

baiThe hain rang rang ujale tarashne

rakh kar lahu ki shama sar-e-rahguzar log

kuchh sadgi-e-taba thi kuchh maslahat ka jabr

kanTon ko pujte rahe bagh-o-bahaar log

aab-o-hawa-e-shahr junun-KHez thi bahut

daman nahin the phir bhi hue tar tar log

phunka hamein to narm shagufon ki os ne

jite hain kaise dil mein chhupa kar sharar log

(5918) Peoples Rate This

Your Thoughts and Comments

Ab Shahr Mein Kahan Rahe Wo Ba-waqar Log In English By Famous Poet Faza Ibn E Faizi. Ab Shahr Mein Kahan Rahe Wo Ba-waqar Log is written by Faza Ibn E Faizi. Read famous Poem Ab Shahr Mein Kahan Rahe Wo Ba-waqar Log for youth and Student by Faza Ibn E Faizi. Free Download Ab Shahr Mein Kahan Rahe Wo Ba-waqar Log in PDF.