Zindagi Saz-e-shikasta Ki Fughan Hi To Nahin

zindagi saz-e-shikasta ki fughan hi to nahin

zamzama-sanj bhi hai marsiyan-KHwan hi to nahin

ishq se baz hum aate jo guzarta wo garan

lutf to ye hai tabiat pe garan hi to nahin

dil bura kijiye kis tarah bhala phir us se

rahat-e-jaan bhi to hai aafat-e-jaan hi to nahin

aisi yaaden bhi hain sau zindagiyan jin pe nisar

hasil-e-zist gham-e-umr-e-rawan hi to nahin

hum samajhte hain jo apne ko baDa ahl-e-nazar

ye bhi faiz-e-nazar-e-KHush-nazran hi to nahin

qafile mein hain bahut rahrawan bhi to sharik

rahbaran hi to nahin rah-zanan hi to nahin

hai bahut naz tujhe zabt-e-fughan par 'fazli'

ye KHamoshi bhi kahin tarz-e-fughan hi to nahin

(702) Peoples Rate This

Your Thoughts and Comments

Zindagi Saz-e-shikasta Ki Fughan Hi To Nahin In English By Famous Poet Fazl Ahmad Kariim Fazli. Zindagi Saz-e-shikasta Ki Fughan Hi To Nahin is written by Fazl Ahmad Kariim Fazli. Read famous Poem Zindagi Saz-e-shikasta Ki Fughan Hi To Nahin for youth and Student by Fazl Ahmad Kariim Fazli. Free Download Zindagi Saz-e-shikasta Ki Fughan Hi To Nahin in PDF.