حاصل ضبط فغاں ناکام ہے

حاصل ضبط فغاں ناکام ہے

اب تو خاموشی پہ بھی الزام ہے

کوئی آواز شکست جام ہے

توبہ توبہ ہر طرف کہرام ہے

یہ بھی فیض گردش ایام ہے

صبح ہے اپنی نہ اپنی شام ہے

دل ہوا ترک و طلب سے بے نیاز

اب یہاں آرام ہی آرام ہے

بحر طوفاں خیز کا ساحل کہاں

عشق کا آغاز بے انجام ہے

رنج کوئی شے نہ کوئی شے خوشی

مختلف احساس کا اک نام ہے

پھر کسی نے آنے کا وعدہ کیا

صبح سے پھر انتظار شام ہے

شاعروں میں یوں تو اپنا بھی فگارؔ

نام ہے لیکن برائے نام ہے

(775) ووٹ وصول ہوئے

Your Thoughts and Comments

Hasil-e-zabt-e-fughan Nakaam Hai In Urdu By Famous Poet Figar Unnavi. Hasil-e-zabt-e-fughan Nakaam Hai is written by Figar Unnavi. Enjoy reading Hasil-e-zabt-e-fughan Nakaam Hai Poem on Inspiration for Students, Youth, Girls and Boys by Figar Unnavi. Free Dowlonad Hasil-e-zabt-e-fughan Nakaam Hai by Figar Unnavi in PDF.