Ho Juda Ai Chaara-gar Hai Mujhko Aazar-e-firaq

ho juda ai chaara-gar hai mujh ko aazar-e-firaq

be-visal achchha hua bhi koi bimar-e-firaq

shoKHi-e-parda-nashin ki ishwa-sazi dekhna

dil hai badmast-e-visal aur dida bedar-e-firaq

ek nale mein phirega mehr-o-mah ko DhunDhta

ai falak mat chheD mujh ko hun aza-dar-e-firaq

wasl thi meri saza hijr intiqam-e-ghair tha

kab hua KHu-karda-e-hijran giraftar-e-firaq

koi karta hai KHata aur koi pata hai saza

ghair gustaKH-e-visal aur main saza-war-e-firaq

dam-ba-dam bijli gire ya nahr-e-KHun jari rahe

iltiyam is sine ka kya jo hai afgar-e-firaq

aankh kab lagti hai hile se jo tujh se lag gai

dastan-e-wasl kab sunta hai bedar-e-firaq

dam mein sayyaad ke kyun ki na bulbul mar rahe

daman-e-har-barg-e-gul mein tha nihan KHar-e-firaq

sau bahaar aae magar jata hai koi dagh-e-dil

lala-o-gul ka nahin mushtaq KHun-bar-e-firaq

ab 'qalaq' Thokar se teri ji chuka marne ke baad

aashna-e-wasl kab ho naz-bardar-e-firaq

(661) Peoples Rate This

Your Thoughts and Comments

Ho Juda Ai Chaara-gar Hai Mujhko Aazar-e-firaq In English By Famous Poet Ghulam Maula Qalaq. Ho Juda Ai Chaara-gar Hai Mujhko Aazar-e-firaq is written by Ghulam Maula Qalaq. Read famous Poem Ho Juda Ai Chaara-gar Hai Mujhko Aazar-e-firaq for youth and Student by Ghulam Maula Qalaq. Free Download Ho Juda Ai Chaara-gar Hai Mujhko Aazar-e-firaq in PDF.