Jauhar-e-asman Se Kya Na Hua

jauhar-e-asman se kya na hua

darKHur-e-arz-e-muddaa na hua

sai-e-jaan laeq-e-dawish na hui

dard-e-dil qabil-e-dawa na hua

Dher hai ek ghubar-e-KHatir ka

KHak hai jis ka dil safa na hua

haif dast-e-dua-o-daman-e-naz

KHair guzri ki tu KHuda na hua

wahdahu-la-sharik kya mani

na hua tu hi aashna na hua

rashk-e-baham azal se awwal hai

ek ki shakl dusra na hua

waste dil ke hai jigar darkar

dil-ruba bhi to dil-ruba na hua

saf hathon se tere uD jata

KHun mera tair-e-hina na hua

ai falak milte milte kho jata

kisi muflis ka aasra na hua

yaad dilwana kyun nahin mayub

shukr kab shikwa-e-jafa na hua

rahbari aur mujh se wahshi ki

rahnuma apna rahnuma na hua

be-nasibi-e-baadshah na puchh

is gadai pe bhi gada na hua

na nikalta kabhi mere dil se

mera hi tu bhi muddaa na hua

kaun behtar adu se ho sach hai

kushta-e-zillat-e-wafa na hua

ahl-e-qibla ko hai talash-e-imam

ai 'qalaq' tu hi parsa na hua

(784) Peoples Rate This

Your Thoughts and Comments

Jauhar-e-asman Se Kya Na Hua In English By Famous Poet Ghulam Maula Qalaq. Jauhar-e-asman Se Kya Na Hua is written by Ghulam Maula Qalaq. Read famous Poem Jauhar-e-asman Se Kya Na Hua for youth and Student by Ghulam Maula Qalaq. Free Download Jauhar-e-asman Se Kya Na Hua in PDF.