Na Ho Aarzu Kuchh Yahi Aarzu Hai

na ho aarzu kuchh yahi aarzu hai

faqat main hi main hun to phir tu hi tu hai

na ye hai na wo hai na main hun na tu hai

hazaron tasawwur aur ek aarzu hai

na ummid jhuTi na kuchh yas sachchi

nahin jo kahin bhi wahi chaar-su hai

kise DhunDhte hain yahi DhunDhte hain

yahi justuju hai agar justuju hai

jagaega kis tarah shor-e-qayamat

KHamoshi se na-chaar har guftugu hai

KHudi bhi hamari KHudai sahi

wahi ham-nashin hai wahi du-ba-du hai

magar dashna tha saya-e-zulf-e-saqi

ki jo zaKHm hai saghar-e-mushk-bu hai

(698) Peoples Rate This

Your Thoughts and Comments

Na Ho Aarzu Kuchh Yahi Aarzu Hai In English By Famous Poet Ghulam Maula Qalaq. Na Ho Aarzu Kuchh Yahi Aarzu Hai is written by Ghulam Maula Qalaq. Read famous Poem Na Ho Aarzu Kuchh Yahi Aarzu Hai for youth and Student by Ghulam Maula Qalaq. Free Download Na Ho Aarzu Kuchh Yahi Aarzu Hai in PDF.