ہے خموشیٔ انتظار بلا

ہے خموشیٔ انتظار بلا

است ہے ایک چپ ہزار بلا

دیکھ لے اک نظر کہ ہے منظور

صد تباہی و صد ہزار بلا

دلبری پر ہے جاں فزا بے داد

دل دہی پر ہے جاں نثار بلا

ہجر میں آسماں مدارائی

وصل میں ہے ستیزہ کار بلا

کج کلاہی کا ہم نشیں فتنہ

خم گیسو کی دوست دار بلا

آ گئی سر پہ عاقبت آفت

ہو گئی چشم انتظار بلا

ہے فدا مجھ پہ آسماں گویا

وار وار آئی بار بار بلا

مجھ سا پامال روزگار ہے کون

خجل آفت ہے شرم سار بلا

داغ کا میرے درد کش صدمہ

درد کی میرے راز دار بلا

صحن گلشن کی شمع بزم ہے برق

نوجوانی کی ہے بہار بلا

اے قلقؔ آسرے کا کیا جینا

زندگی ہے مآل کار بلا

(758) ووٹ وصول ہوئے

Your Thoughts and Comments

Hai KHamoshi-e-intizar Bala In Urdu By Famous Poet Ghulam Maula Qalaq. Hai KHamoshi-e-intizar Bala is written by Ghulam Maula Qalaq. Enjoy reading Hai KHamoshi-e-intizar Bala Poem on Inspiration for Students, Youth, Girls and Boys by Ghulam Maula Qalaq. Free Dowlonad Hai KHamoshi-e-intizar Bala by Ghulam Maula Qalaq in PDF.