Meri Sifat Ka Jab Usne Etiraf Kiya
meri sifat ka jab us ne e'tiraf kiya
bajae chehra ke aaina main ne saf kiya
chhupa tha hira koi raste ke patthar mein
hamari Thokaron ne is ka inkishaf kiya
muwafaqat mein chali thi mere safine ki
hawa ne bich samundar mein iKHtilaf kiya
guhar bana ke sadaf ne use nikala hai
kabhi jo bund ne dariya se inhiraf kiya
zamin ghumti hai jaise apne mehwar par
KHud apni zat ka main ne yun hi tawaf kiya
Ghulam Murtaza Rahi 
(729) Peoples Rate This