Nayab Chiz Kaun Si Bazar Mein Nahin
nayab chiz kaun si bazar mein nahin
lekin main un ke chand KHaridar mein nahin
chhu kar bulandiyon ko palaTna hai ab mujhe
khane ko mere ghas bhi kohsar mein nahin
aata tha jis ko dekh ke taswir ka KHayal
ab to wo kil bhi meri diwar mein nahin
irfan-o-agahi ki ye hum kis hawa mein hain
jumbish tak us ke parda-e-asrar mein nahin
ugla sa mujh mein shauq-e-shahadat nahin agar
pahli si kaT bhi teri talwar mein nahin
Ghulam Murtaza Rahi 
(704) Peoples Rate This