Shakl Sahra Ki Hamesha Jaani-pahchani Rahe

shakl sahra ki hamesha jaani-pahchani rahe

mere aage pichhe daen baen virani rahe

sari samten aa ke jis markaz pe ho jati hain ek

KHam usi jaanib hamesha meri peshani rahe

aage aage main tera parcham liye chalta rahun

arz-e-dil par mere qaem teri sultani rahe

raushni ko ho meri aisa koi maKHaz ata

zarra-e-nachiz mein din raat tabani rahe

neza-o-shamshir-o-KHanjar ki agar ifraat hai

KHun ki bhi meri rag rag mein farawani rahe

meri kashti ko Dubo kar chain se baiThe na tu

ai mere dariya! hamesha tujh mein tughyani rahe

ab tajawuz ban gaya mamul warna muddaton

apni apni had mein shahri aur bayabani rahe

(452) Peoples Rate This

Your Thoughts and Comments

Shakl Sahra Ki Hamesha Jaani-pahchani Rahe In English By Famous Poet Ghulam Murtaza Rahi. Shakl Sahra Ki Hamesha Jaani-pahchani Rahe is written by Ghulam Murtaza Rahi. Read famous Poem Shakl Sahra Ki Hamesha Jaani-pahchani Rahe for youth and Student by Ghulam Murtaza Rahi. Free Download Shakl Sahra Ki Hamesha Jaani-pahchani Rahe in PDF.