Kitne Dariya Is Nagar Se Bah Gae
kitne dariya is nagar se bah gae
dil ke sahra KHushk phir bhi rah gae
aaj tak gum-sum khaDi hain shahr mein
jaane diwaron se tum kya kah gae
ek tu hai baat bhi sunta nahin
ek hum hain tera gham bhi sah gae
tujh se jag-biti ki sab baaten kahin
kuchh suKHan naguftani bhi rah gae
teri meri chahaton ke nam par
log kahne ko bahut kuchh kah gae
Gulam Jilani Asghar 
(665) Peoples Rate This