دستک

صبح صبح اک خواب کی دستک پر دروازہ کھولا' دیکھا

سرحد کے اس پار سے کچھ مہمان آئے ہیں

آنکھوں سے مانوس تھے سارے

چہرے سارے سنے سنائے

پاؤں دھوئے، ہاتھ دھلائے

آنگن میں آسن لگوائے

اور تنور پہ مکی کے کچھ موٹے موٹے روٹ پکائے

پوٹلی میں مہمان مرے

پچھلے سالوں کی فصلوں کا گڑ لائے تھے

آنکھ کھلی تو دیکھا گھر میں کوئی نہیں تھا

ہاتھ لگا کر دیکھا تو تنور ابھی تک بجھا نہیں تھا

اور ہونٹوں پر میٹھے گڑ کا ذائقہ اب تک چپک رہا تھا

خواب تھا شاید!

خواب ہی ہوگا!!

سرحد پر کل رات، سنا ہے ،چلی تھی گولی

سرحد پر کل رات، سنا ہے

کچھ خوابوں کا خون ہوا تھا!

(2756) ووٹ وصول ہوئے

Your Thoughts and Comments

Dastak In Urdu By Famous Poet Gulzar. Dastak is written by Gulzar. Enjoy reading Dastak Poem on Inspiration for Students, Youth, Girls and Boys by Gulzar. Free Dowlonad Dastak by Gulzar in PDF.