Jabin-e-nawaz Kisi Ki Fusun-gari Kyun Hai

jabin-e-nawaz kisi ki fusun-gari kyun hai

sarisht-e-husn mein is darja dilkashi kyun hai

kisi ki sada jabin kyun bani hai sehr-taraaz

kisi ki baat mein ejaz-e-iswi kyun hai

kisi ki zulf-e-moambar mein kyun hai girai

fida-e-gesu-e-mushken ye zindagi kyun hai

tere shiar-e-taghaful pe zindagi qurban

tere shiar-e-taghaful mein dilkashi kyun hai

kahin ziya-e-tabassum na ho karam-farma

jumud-e-qalb mein haijaan-e-zindagi kyun hai

ye kab kaha hai ki tum wajh-e-shorish-e-dil ho

ye puchhta hun ki dil mein ye bekali kyun hai

nigah-e-naz ki wabasta-e-jigar thi kabhi

bata fareb-e-tamanna ki sarsari kyun hai

bhaTak bhaTak ke main nakaam-e-justuju hi raha

KHamosh mere liye sham-e-rahbari kyun hai

hayat-o-maut na apni na main hi KHud apna

mere wajud pe ilzam-e-zindagi kyun hai

rag-e-hayat mein dauDa ke barq-e-sartabi

KHata-muaf ye ilzam-e-KHud-sari kyun hai

bisat-e-dahr sahi jalwa-gah-e-husn-e-azal

nigah-e-shauq fughan-sanj-e-tishnagi kyun hai

(853) Peoples Rate This

Your Thoughts and Comments

Jabin-e-nawaz Kisi Ki Fusun-gari Kyun Hai In English By Famous Poet Habeeb Ahmad Siddiqui. Jabin-e-nawaz Kisi Ki Fusun-gari Kyun Hai is written by Habeeb Ahmad Siddiqui. Read famous Poem Jabin-e-nawaz Kisi Ki Fusun-gari Kyun Hai for youth and Student by Habeeb Ahmad Siddiqui. Free Download Jabin-e-nawaz Kisi Ki Fusun-gari Kyun Hai in PDF.