KHizan-nasib Ki Hasrat Ba-ru-e-kar Na Ho

KHizan-nasib ki hasrat ba-ru-e-kar na ho

bahaar shoabada-e-chashm-e-intizar na ho

fareb-KHurda-e-ulfat se puchhiye kya hai

wo ek ahd-e-mohabbat ki ustuwar na ho

nazar ko tab-e-nazara na dil ko jurat-e-did

jamal-e-yar se yun koi sharmsar na ho

qaba-darida-o-daman-o-astin KHunin

gulon ke bhes mein ye koi dil-figar na ho

na ho sakega wo ram-ashna-e-kaif-o-hayat

jo qalb chashm-e-taghaful ka raazdar na ho

tariq-e-ishq pe hansti to hai KHirad lekin

ye gumrahi kahin manzil se ham-kanar na ho

na tana-zan ho koi ahl-e-hosh maston par

ki zoam-e-hosh bhi ek aalam-e-KHumar na ho

wo kya batae ki kya shai umid hoti hai

jise nasib kabhi sham-e-intizar na ho

ye chashm-e-lutf mubarak magar dil-e-nadan

payam-e-ishwa-e-rangin sala-e-dar na ho

kisi ke lab pe jo aae nawed-e-zist bane

wahi hadis-e-wafa jis pe eatibar na ho

jo do-jahan bhi mange to main ne kya manga

wo kya talab jo ba-qadr-e-ata-e-yar na ho

(810) Peoples Rate This

Your Thoughts and Comments

KHizan-nasib Ki Hasrat Ba-ru-e-kar Na Ho In English By Famous Poet Habeeb Ahmad Siddiqui. KHizan-nasib Ki Hasrat Ba-ru-e-kar Na Ho is written by Habeeb Ahmad Siddiqui. Read famous Poem KHizan-nasib Ki Hasrat Ba-ru-e-kar Na Ho for youth and Student by Habeeb Ahmad Siddiqui. Free Download KHizan-nasib Ki Hasrat Ba-ru-e-kar Na Ho in PDF.