ننھی جا سو جا

جب دیکھو تو پاس کھڑی ہے ننھی جا سو جا

تجھے بلاتی ہے سپنوں کی نگری جا سو جا

غصے سے کیوں گھور رہی ہے میں آ جاؤں گا

کہہ جو دیا ہے تیرے لیے اک گڑیا لاؤں گا

گئی نہ ضد کرنے کی عادت تیری جا سو جا

ننھی جا سو جا

ان کالے دروازوں سے مت لگ کے دیکھ مجھے

اڑ جاتی ہے نیند آنکھوں سے پا کر پاس تجھے

مجھ کو بھی سونے دے میری پیاری جا سو جا

ننھی جا سو جا

کیوں اپنوں اور بیگانوں کے شکوے کرتی ہے

کیوں آنکھوں میں آنسو لا کر آہیں بھرتی ہے

رونے سے کب رات کٹی ہے دکھ کی جا سو جا

ننھی جا سو جا

(1719) ووٹ وصول ہوئے

Your Thoughts and Comments

Nannhi Ja So Ja In Urdu By Famous Poet Habib Jalib. Nannhi Ja So Ja is written by Habib Jalib. Enjoy reading Nannhi Ja So Ja Poem on Inspiration for Students, Youth, Girls and Boys by Habib Jalib. Free Dowlonad Nannhi Ja So Ja by Habib Jalib in PDF.