Ashk-e-gham Uqda-kusha-e-KHalish-e-jaan Nikla
ashk-e-gham uqda-kusha-e-KHalish-e-jaan nikla
jis ko dushwar main samjha tha wo aasan nikla
kis qadar dast-e-junun be-sar-o-saman nikla
tujh main ek tar na ai chaak-gireban nikla
uf wo taqdir jo tadbir ki paband rahi
haif wo dard jo minnat-kash-e-darman nikla
KHak ho kar bhi raha jalwa-taraazi ka dimagh
mera har zarra-e-dil tur-badaman nikla
al-aman wo KHalish-e-jaan jo miTae na miTi
hae wo dam jo ba-sad-kawish-e-pinhan nikla
Hadi Machlishahri 
(804) Peoples Rate This