تم عزیز اور تمہارا غم بھی عزیز (ردیف .. ی)

تم عزیز اور تمہارا غم بھی عزیز

کس سے کس کا گلا کرے کوئی

مانع عرض مجھ کو پاس وفا

ان کو ضد التجا کرے کوئی

تم تغافل شعار دل مایوس

آہ کیا حوصلہ کرے کوئی

غم دل اب کسی کے بس کا نہیں

کیا دوا کیا دعا کرے کوئی

کون سنتا ہے غم نصیبوں کی

کس کے در پر صدا کرے کوئی

خیر سن لو مرا فسانۂ غم

یہ تو کہہ دوگے کیا کرے کوئی

سخت مشکل ہے شرح درد نہاں

کس طرح ابتدا کرے کوئی

جس کو دیکھو وہ ہے وفا دشمن

کس سے عہد وفا کرے کوئی

ختم جور و جفا ہے مرگ وفا

کاش پھر ابتدا کرے کوئی

لطف تعزیر جب ہو جان حیات

کیوں نہ ہادیؔ خطا کرے کوئی

(734) ووٹ وصول ہوئے

Your Thoughts and Comments

Tum Aziz Aur Tumhaara Gham Bhi Aziz In Urdu By Famous Poet Hadi Machlishahri. Tum Aziz Aur Tumhaara Gham Bhi Aziz is written by Hadi Machlishahri. Enjoy reading Tum Aziz Aur Tumhaara Gham Bhi Aziz Poem on Inspiration for Students, Youth, Girls and Boys by Hadi Machlishahri. Free Dowlonad Tum Aziz Aur Tumhaara Gham Bhi Aziz by Hadi Machlishahri in PDF.