مستوں پہ انگلیاں نہ اٹھاؤ بہار میں

مستوں پہ انگلیاں نہ اٹھاؤ بہار میں

دیکھو تو ہوش ہے بھی کسی ہشیار میں

کچھ محتسب کا خوف ہے کچھ شیخ کا لحاظ

پیتا ہوں چھپ کے دامن ابر بہار میں

وہ سامنے دھری ہے صراحی بھری ہوئی

دونوں جہاں ہیں آج مرے اختیار میں

اللہ بات کیا ہے کہ دیوانگی مری

دیوانگی نہیں نظر ہوشیار میں

جھوٹی تسلیوں سے نہ بہلاؤ جاؤ جاؤ

جاؤ کہ تم نہیں ہو مرے اختیار میں

ہوں وادیٔ حیات میں اس طرح سست گام

جیسے ہو پا شکستہ کوئی خار زار میں

اب وہ سکون یاس نہ وہ اضطراب شوق

سینے میں دل ہے یا کوئی لاشہ مزار میں

اب خاک اڑائیے نہ ہمارے مزار کی

اب خاک بھی نہیں ہے ہمارے مزار میں

تنہائی فراق میں امید بارہا

گم ہو گئی سکوت کے ہنگامہ زار میں

وہ عندلیب گلشن معنی ہوں میں حفیظؔ

سوز سخن سے آگ لگا دوں بہار میں

(969) ووٹ وصول ہوئے

Your Thoughts and Comments

Maston Pe Ungliyan Na UThao Bahaar Mein In Urdu By Famous Poet Hafeez Jalandhari. Maston Pe Ungliyan Na UThao Bahaar Mein is written by Hafeez Jalandhari. Enjoy reading Maston Pe Ungliyan Na UThao Bahaar Mein Poem on Inspiration for Students, Youth, Girls and Boys by Hafeez Jalandhari. Free Dowlonad Maston Pe Ungliyan Na UThao Bahaar Mein by Hafeez Jalandhari in PDF.