Diwane Hue Sahra Mein Phire Ye Haal Tumhaare Gham Ne Kiya

diwane hue sahra mein phire ye haal tumhaare gham ne kiya

afsos magar is baat ka hai kya tum ne kiya kya hum ne kiya

jab bhaDki hai aatish-e-dagh-e-jigar sard us ko dida-e-nam ne kiya

shadab chaman mein phulon ko har sham-o-sahar shabnam ne kiya

achchhi hui ab ki bari ye hui in baaton ko KHud hi samjho

ilzam hamein kya dete ho jo tum ne kaha wo hum ne kiya

tarik hui sari duniya kya maut hui mujh bekas ki

kam aise hue hain shahid-e-wafa gham jin ka ek aalam ne kiya

qismat ki tarah ye dil na phira kabe se bhi ulTe panw phire

aankhon mein gali wo phirne lagi be-KHud ye tawaf haram ne kiya

kya aisi wafa par naz karun jo bais ho ruswai ki

ye baat hui mar jaane ki bad-nam kisi ko sitam ne kiya

ghurbat mein tumhaari turbat par rone ko 'hafiz' aata koi

ab shukr karo aansu to puchhe chhiDkaw bhi abr-e-karam ne kiya

(711) Peoples Rate This

Your Thoughts and Comments

Diwane Hue Sahra Mein Phire Ye Haal Tumhaare Gham Ne Kiya In English By Famous Poet Hafeez Jaunpuri. Diwane Hue Sahra Mein Phire Ye Haal Tumhaare Gham Ne Kiya is written by Hafeez Jaunpuri. Read famous Poem Diwane Hue Sahra Mein Phire Ye Haal Tumhaare Gham Ne Kiya for youth and Student by Hafeez Jaunpuri. Free Download Diwane Hue Sahra Mein Phire Ye Haal Tumhaare Gham Ne Kiya in PDF.