Yaad Hai Pahle-pahal Ki Wo Mulaqat Ki Baat

yaad hai pahle-pahal ki wo mulaqat ki baat

wo maze din ke na bhule hain na wo raat ki baat

kabhi masjid mein jo waiz ka bayan sunta hun

yaad aati hai mujhe pir-e-KHarabaat ki baat

yaad piri mein kahan ab wo jawani ki tarang

subh hote hi hamein bhul gai raat ki baat

shaiKH ji majma-e-zindan mein nasihat kaisi

kaun sunta hai yahan qibla-e-hajat ki baat

hae phir chheD diya zikr adu ka tum ne

phir nikali na wahi tark-e-mulaqat ki baat

jab liya ahd shab-e-wasl kaha is ne 'hafiz'

subh ko yaad rahegi ye hamein raat ki baat

(806) Peoples Rate This

Your Thoughts and Comments

Yaad Hai Pahle-pahal Ki Wo Mulaqat Ki Baat In English By Famous Poet Hafeez Jaunpuri. Yaad Hai Pahle-pahal Ki Wo Mulaqat Ki Baat is written by Hafeez Jaunpuri. Read famous Poem Yaad Hai Pahle-pahal Ki Wo Mulaqat Ki Baat for youth and Student by Hafeez Jaunpuri. Free Download Yaad Hai Pahle-pahal Ki Wo Mulaqat Ki Baat in PDF.